auzoan konposta egiten hasiko dira urtarrilean, Hernaniko 24 familia. Kaxkoan bizi diren 24 familia dira, eta Atzieta kalean jarriko zaie konposta egiteko lekua. Lekua prest daukate, Atzieta kaleko betiko parkean, eta orain zai daude konpostagailuak noiz ekarriko. Aurretik, konposta nola egin behar den ikasi beharko dute, eta aste honetan dituzte ikastaroak, gaur bertan hasita. Egun bateko ikastaroa da, eta bertan jasoko dituzte argibideak, eta konposta egiteko gida bat.
Auzo gehiago ere bai
Horiek izango dira lehendabizikoak, baina ez bakarrak, pixkanaka auzo gehiagotan egin nahi baita auzokonposta. Guztira 104 familiak interesa azaldu dute auzokonposta egiteko. Beraz, beste 80 familia behintzat zai daude konposta-lekuak noiz eta non jartzen zaizkien. Hernaniko Udalak jakinarazi du pixkanaka auzo guztietara iritsi nahi dutela. Lehendabiziko pausoa Kaxkoan izan da. Hurrengoa, seguru asko, Txantxillako auzo berrian izango da.