Gabonetarako astebete besterik ez da geratzen eta herria girotzen joateko Gabon kanten jaialdia antolatu du Kantuz abesbatzak, urtero bezala. Herriko abesbatzak eta eskoletako talde guztiak elkartuko dira 20:00etatik aurrera, San Joan Bataiatzailea parrokian.
Denera, 6 abesbatzek hartuko dute parte eta Gabonetako 13 abesti entzuteko aukera izango da. Abesbatza bakoitzak bi Gabon kanta abestuko ditu eta bukatzeko, denek elkarrekin abesti bat kantatuko dute. Honakoak izango dira parte hartuko duten abesbatzak: Parrokiakoa, Goiz Eguzki, Inmakulada ikastetxea, Ozenki, Musika Eskola eta Kantuz.
Josetxo Zubimendiri
eskainia
Aurtengoa, 17garren edizioa da eta Kantuzek azaldu du, zendu berri den Josetxo Zubimendi koro-kideari eskaini nahi diotela, «bera izan baitzen, besteen artean, jaialdi honen aitzindarietako bat».