«Merezi baino omenaldi gehiago ari naiz jasotzen eta bihotzez eskertzen dizuet»

Mikel, Mikel, Mikel Aran­buru! oihu artean hartu zuten Mikel Aranburu Realeko jokalari ohia Peña Mujikako kideek eta adin ezberdinetako realzaleek. Larunbat gauean izan zen hori, Atse­gin­degin. Peña Muji­kak eta An­boto tabernak omenaldia egin zioten eta bihotzez eskertu zuen kapitain ohiak: «Me­rez­i baino omenaldi gehiago ari naiz jasotzen eta bihotzez es­ker­tzen dizuet. Mujika taldekoak eta ingurukoak beti aritu zarete Reala animatzen eta es­pero dut urte askoan segitzea». Peña Mujikako kideek, eurek sinatutako Realeko ka­mi­­se­ta oparitu zioten Aranbu­ru­ri. Aurreskua eta bertso bat ere eskaini zizkioten, mezu honekin bukatuz: «zu beti izango zara guretzako kapitaina». Omenaldiaz gain, lau kontzertu antolatu zituzten eta errematea, MCD taldeak eman zion festari.