Edo! argitaletxeak argitaratutako lehenengo lana da Gari Garaialderen Zu ikusteko bidean argazki liburua. Argazkilariarentzat ere, lehenengo liburua da. Ostegun honetan biak ezagutzeko aukera izango da Ikatza Liburugunean, arratsaldeko 19:00etan hasita.
Edo! argitaletxe independente eta euskal elebakarra
Lehenengo, Edo! argitaletxearen aurkezpena egingo da, ostegunean. Udaberri aldera sortutako argitaletxe honek ezaugarri bereziak ditu. Besteak beste, bere sortzaile eta eragileek deskribatzen dute argitaletxe indepen-dente eta euskal elebakar gisa. http://www.argitaletxeaedo.org.
Kartzelara egindako bidaiak
Gari Garaialdek zuri-beltzeko 40 argazki bildu ditu Zu ikusteko bidean liburuan. Garaialdek Kronikari adierazi dionez, «neretzako argazkiak istorio bat kontatzeko bidea besterik ez dira; argazkia baino, kontatu nahi dudana da garrantzitsua».
Liburu honetan, 2005 eta 2009 urteen artean Herrera de la Manchako kartzelara senide eta lagunak eramaten egindako bidaietan ateratako argazkiak bildu ditu. Argazki erreportaje bat sortu du horrela.