Kirol Sariak, Ricardo Ramos, Errugbi taldea eta kross herrikoien antolatzaileentzat

Udal Kirol Batzordeak, Kirol Sariak banatu zituen atzo eta sarituak honakoak izan ziren: Ricardo Ramos CD Hernaniko lehendakaria, Errugbi taldea eta Hernaniko kross herrikoien antola­tzaileak.
Ramosek Hernani Saria jaso zuen CD Hernanin egindako ibilbideagatik eta lanagatik. Saria jasotzeak sekulako ilusioa egin diola azaldu zion Kro­nikari: «Ni bezala, beste askok ere, ez dugu horrelako sari bat jasotzeagatik egiten lan, baina poz haundia ematen du egindako lana erreko­no­zitzeak. Gaur, saria jaso dudanean, jende asko izan dut buruan, baina batez ere, nere familia. Klubean daramazkiten urte askotan aguantatu bai­naute». Errugbi taldeak Kirol Saria jaso zuen, 2012an egindako lorpe­nengatik; izan ere, Ohorezko mailara igotzea lortu zuten. Eta kross antolatzaileek Babes Saria jaso zuten atletismoan egindako lanagatik.
Denera, 6 hautagai pro­posatu zituen Udal Kirol Batzordeak (Hernaniko 22 kirol talde) eta bozketa bidez hiru aukeratu behar izan dituzte. Gainerako hautagai­ak: Batis Larburu arraunlari ohia eta elkarteko lehendaka­ria (Hernani Saria), Ane Lopez de Arregi atleta (Kirol Saria) eta Aitor Gorrotxategi pelotaria (Kirol Saria). Sari horiek lehenengo aldiz atzo banatu ziren, baina hemendik aurrera urtero banatzeko asmoa dago, Kirol Ba­tzor­­deak aho batez erabaki zuen hori.

Berdintasunaren alde lanean
Udalak, kirolean ere genero berdintasunaren alde egingo du lan eta atzo Dorleta Ugal­de Eusko Jaurlaritzako Kirol Teknikariak eta ber­dintasun agenteak hitzaldi bat eman zuen gaiaren ingu­ruan.