Bost euskal presoren erretratuak, bost zinegileren eskutik

Barrura begiratzeko leihoak film dokumentala ikusteko auke­ra izango da gaur eta bihar Biterin. Natza elkarteak antolatu du emanaldia. Do­kumen­talean, bost euskal presoren erretratuak azaltzen dira, bost zinegileren eskutik. Zuzenda­rietako bat, Enara Goikoetxea hernaniarra da eta gaurko emanaldian Biterin izango da. Fil­ma­ren aurretik azalpenak emango ditu eta ondorengo galderei ere eran­tzungo die. Ema­naldia 19:30etan izango da. Bihar, berriz, 20:30etan.
Goikoetxeak, Zalakainen istorioa bildu du Zuzendari bakoitzak preso ba­ten istorioa landu du eta Enara Goikoetxeak Jesus Mari Zala­kainena, intelektual batena, zel­­daren bakardadean bere bu­rua topatu nahian dabilena. Gainera­koak: Josu Mar­tinez zu­zendariak Irati Tobar presoaren istorioa landu du, atxilotua izateko falta dituen egunak zenba­tzen ari den neska gaztearena; Mi­reia Gabilon­dok Go­tzone Lo­pez de Luzu­riaga­re­na, alabarekin izandako telefono elkarrizketa guztiak kasetetan grabatu zituen bere amak; Txa­ber Larreategik Jon Ugar­tere­na, 17 urteren buru­an, Euskal Herrira itzultzen den gizonarena; eta Eneko Ola­sa­gastik Mi­kel Albisu Antzare­na, 20 urte eta gero, gaztetako harremana berreskuratuko dute...