goi mailako lau bertsolari, goi mailako sukalde eskolan. Ez dago motibo hoberik bertso afari baterako. Bertsotan ariko dira Maialen Lujanbio, Andoni Egaña, Jon Maia eta Agin Rezola. Gaijartzen: Unai Agirre.
Bertso Gutiziak deitu diote saioari, eta beti bezala, berrikuntzei ateak ireki dizkie Hernaniko Iraulio Panttalone Bertso Eskolak. Basque Culinary Centerren deiari erantzunda, elkarlanean antolatuko dute saioa: BCCk menua, eta bertso eskolak bertsolariak.
Nobedade horrekin dator aurten bertsolata, aspaldiko urteetako ekitaldi gehienekin. Umeen saioarekin hasi, abenduaren 19an, eta Bertso Gutiziak izango dira, abenduaren 20an. Txartelak salgai daude BCCn, Kixkalen, Tripontzin eta Aralarren, 20 euroan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!