Sortu alderdiak otsailaren 23an egingo du Kongresua, eta hura prestatzen ari dira orain, herriz herri. Hernanin, ildo politikoei buruz eztabaidatuko dute datorren larunbatean, goizeko 09:30etatik aurrera, Larramendi 11ko lokaletan.
Helburua? Sortu indar politikoaren ezaugarri nagusiak argitu eta eztabaidatzea.
Hiru fasetik bigarrena
Hernaniko Kronikari jakinarazi zaionez, bigarren fasea da hau. «Lehenengo hitz egin genuen oinarri ideologikoei buruz, eta orain ariko gara ildo politikoei buruz. Orduko hartan 45 lagun inguru bildu ziren». Hirugarren fase bat ere izango da, urtarrilaren 26an, eta hor eztabaidatuko dute antolaketa eta funtzionamenduari buruz.
Ponentziak Garinen
Ezker Abertzaleak dei egin die hernaniar guztiei eztabaidan parte hartzera. Horretarako, ponentzia batzuk egin dituzte herritarrek, eta Garin tabernan daude hartzeko. Euskeraz eta gaztelaniaz daude. «Parte hartze sakon eta demokratikoan oinarrituko da eztabaida, eta nahi genuke herritarrak animatzea Zutik Euskal Herria proiektuarekin bat datozen guztiak, hain justu», dio Ezker Abertzaleak.
Harremanetarako email bat utzi dute: hernanikosortu@gmail.com. Informazio gehiago nahi duenak berriz, hemen: www.sortu.net.