Astelehenean, abenduak 3, Euskeraren Eguna izango da eta ondorioz, Hernaniko Udaleko hainbat zerbitzu itxita egongo dira. Alde batetik, udaletxea itxita egongo da egun osoan zehar, erregistroa izan ezik. Eta bestetik, kiroldegia ere itxita egongo da, baina kasu horretan, arratsaldez bakarrik.
Institutuan eta Inmakuladan, ekintza ugari
IES Hernani BHIn Euskeraren Eguna ospatzeko hainbat ekintza antolatu dituzte egun osoan.
Inmakulada ikastetxean ere egun berezia antolatu dute Euskaraz bixi bizi lelopean.
EGITARAUAK
Institutuan:
08:15etan, Gozatu Hernaniko euskalgintzarekin. Langile guztientzat.
11:00etan, ‘Gozatu euskerarekin’ hamaiketakoa (DBH). Trikitilariak.
11:30etan, Txalaparta-alboka deia.
11:40etan, Sarrera-hitzaldia.
11:45etan, Bertso saioa.
11:55etan, Kantaldia.
12:30etan, Dantzariak.
12:50etan, Zozketa: ‘Gozatu euskerarekin’-piropoak.
13:00etan, ‘Gozatu euskerarekin’ hamaiketakoa (Batxilergoa-Lanbide Heziketa). Trikitilariak.
13:30etatik 14:30etara, Kultur animazioa (Batxilergoa-Lanbide Heziketa).
14:30etatik 16:30etara, Kultur animazioa (DBH 3-4).
Herri kirolak-Aerobik... (jolaslekuan)
Filmak, jokuak, hormirudiak
(ikasgeletan).
Inmakuladan:
10:30etatik, jolasak.
Jolastera animatzen direnek puntuak jasoko dituzte eta 20 euroko bale bat jasotzeko aukera izango du Elkarren gastatzeko.
Horrez gain, pintxo-potea izango da 0,50 euroan.
Arratsaldean, zineforuma euskeraz.