«Ideia gehienak zuzenean etortzen zaizkit, zilarra eskutan dudanean»

Nekane Flamarike Arte Ederretan lizentziatua da eta diseinuan espezializatua. Ira­kas­kuntzan eta diseinu grafikoan hainbat urtetan lan egin ostean, 2007an bitxigintza ikasten hasi zen Donostian; 20 urte zituenetik gustatu izan bai­tzaio. Bi urteko ikasketak egin ondoren, bere kaxa hasi zen bi­txiak lantzen. Osiñagan du tailerra. Eta ordutik, bere emai­tzak Hernaniko Artisau Azo­kan urtero ikusteko aukera izan da. Bihar ere bertan izango da eta oraingoan berrikuntza nabarmenarekin dator: esmaltea. «Hasieran zilarra bakarrik lan­­tzen nuen. Aurten beste pauso bat eman dut eta esmaltearekin hasi naiz. Oso gustora na­go. Koloreekin jolasteko auke­­­ra ematen du eta kreatibitatea gehiago lantzeko aukera ere bai. Diseinua berdina izan arren, kolore ezberdinak sar­tzen dituzu, nahastu egiten di­tu­zu... edukia aldatu egiten da eta beti desberdina da egiten du­­zu­na». Es­maltearen oinarri­an ere zilarra erabiltzen du Fla­ma­rikek. Lanak, interneten ikus­gai: pitxipolit.artesanum.com.

Ideiak, zuzenean
Bitxi bat egiten hasi aurretik, di­seinua marraztu egiten duen gal­detuta, Flamarikek dio az­ken aldian zuzenean egiten di­tuela bitxiak. «Lehen, bozetoak egiten nituen, baina orain askotan, zu­zenean etor­tzen zaizkit ideiak. Zilar zatia eskutan du­danean etortzen zait inspirazioa».

Kolore eta formen esentzia
Flamarikek bere lana hala ikusten du: «Kolore eta formen esentzia lantzea gustatzen zait». Jende­ak esan ohi dionez, xinpletasunean oinarrituta, linea diferentea eta originala da darabilena eta janzteko errazak diren bitxiak sortzen ditu.

Euskal Herritik kanpo
Flamarike Euskal Herriko he­rri ezberdinetan ibili ohi da azokaz azoka, asteburu eta zu­bietan. Baina aurtengo irailean, Euskal Herritik kanpo, Ma­drileko azokan izan da. Es­perientzia baliagarria izan de­la dio, «jende gehiago ezagu­tzeko aukera ematen baitu».

Sei hernaniarren postuak
Artisau Azoka Atsegindegin izango da bihar, goizez 11:00e­ta­tik 14:30etara eta arra­tsaldez 17:00etatik 20:00eta­ra. Bertan izango dira Gipuzkoa osotik etorritako artisauen 25 postu. Hernaniarrak, 6 izango dira. Nekane Flamarikez gain, Anas­tasia Leunda (artilea, ezkurra), PupilBags faktoria (poltsak), Ziku (bitxiak), Amano Batik (batik) eta Biteri kultur etxea (zeramika). Flama­rikeren esanetan, «azoka interesgarria da. Mugimendua izaten da eta jendea erostera etortzen da».