Udalak eta Berdintasun Kontseiluak antolatzen dituzten Jabetze Eskolen barruan, Mugimendu tailerra emango da aste honetan. Ostiralean, arratsaldeko 17:00etatik 20:00etara emango da tailerra, eta larunbatean jarraituko du, goizeko 10:00etatik 14:00etara, eta arratsaldeko 15:30etatik 19:30etara, Biteri kultur etxean.
Gorputza eta mugimendua
Tailerra teorikoa eta praktikoa izango da, eta gorputza eta espazioaren inguruko esperimentazioa landuko da. Dinamika eta jokoak erabiliko dira horretarako: mugimendu ariketa batzuk, testuak, edota bideoak. Irakasleak izango dira Ana Revuelta eta Maider Urrutia.
Izen-ematea zabalik
Ikastaroan parte hartzeko izen-ematea zabalik dago. Horretarako 3 aukera daude: Plaza Feministatik (Aristizabal 7, behea) pasa, 943 33 70 17ra deitu edo irantzu@hernani.netera idatzi.