Bigarren urtez, Negulekuak antolatu ditu Dobera euskara elkarteak. Helburua da, neguko oporraldian ere, haurrei aisialdirako tartea eskaintzea, euskeraz. 2003 eta 2008 urte bitartean jaiotako haurrei dago zuzendua, hau da, 4-9 urte bitarteko haurrei. Negulekuak abenduaren 26tik 30era, eta urtarrilaren 2tik 5era izango dira, goizeko 09:00etatik 13:00etara bitartean. Izen-ematea zabalik dago, abenduaren 14ra arte.
Aisialdia, euskeraz
Gabonetako oporraldian ere, aisialdirako tartea eskaintzea da Negulekuen helburua, baina, beti ere, euskeraz. Adinaren arabera talde desberdinetan banatzen dira haurrak, eta hainbat ekintza antolatzen dira: jolasak, ipuin kontaketak, eskulanak, antzerkia...
Izen-ematea zabalik
Izen-ematea zabalik dago, abenduaren 14ra arte. Eskaera orria bete behar da haurraren datuekin, eta Dobera elkartean (Larramendi 11, behea) entregatu, abenduaren 14a baino lehen. Izen-emateak 40 euro balio du bazkideentzat, eta 50 euro gainontzekoentzat.