Mansok jake-matea behar du; Corralek, tablak nahikoa

felix Manso edo Javier Corral. Bietan batek jantziko du aurten txapela, Herna­ni­ko Xake Txa­pel­ketan. Elka­rren kontra jokatuko dute bihar, aurtengo bi onenek. Ondo ezagutzen elkar, biak andoaindarrak baitira, eta elkarte berekoak. Corralek tablak egitea nahikoa du txapela irabazteko, 5,5 puntu bai­titu, Man­sok baino 0,5 gehiago. Man­sok irabazi beha­rra dauka. Partida hori eta beste hamar jokatuko dira bihar, 16:00etatik aurrera, Zumitza tabernan. Ondoren egingo dute saribanaketa, 18:00etan. Partida polit asko izango dira bihar, Zumitzan. Lehen­go astean Corrali lanak eman zizkion Martiarenak, eta gaur Ijurkoren kontra jokatuko du, bi edo hirugarren postuaren bila. Erdozio eta Ixidro ere elkarren kontra ariko dira... Sariak emango zaizkie aurrenekoei, Hernaniko onenari, federatu gabeko onenari, eta beteranoenari.