«Patinek engantxatu egiten dute»

ia egunero ibiltzen da patinetan Nagore Montes (Do­nos­tia, 1979). «Orain dela lau urte hasi, eta engantxatu egin nin­tzen». Entrenatu beharra dau­ka, izan ere, goi mailan dabil konpetizioan. Aurtengo denboraldian Gipuzkoako Txa­pel­keta irabazi du, eta beste hiru proba ere bai: Josetxo Imaz, Arrasate-Oñati, eta Zakila-Bira. Lilatoian eta Valentzian bigarren, Behobia-Donostian hirugarren...

Abiadura, eta taktika
«Adrenalina gustatzen zait. Onartu beharra daukat. Belo­zidadeko patinak arriskua daukate; 70 km orduko abia­dura harrapatu izan dut nik, eta beste batzuk 80 km-koa harrapatzen dute; pentsa, erortzen bazara... eta askotan erortzen gara. Aur­ten Espai­niako Txapelke­ta­ra bi saihets pitzatuta joan nintzen». Taktikak ere, bere biziko garrantzia du rollers-en lehiaketetan. Beste hainbat gauzetan bezala, trena harrapatzea behar beharrezkoa omen da: «zu baino motelagoak diren hiru lagun trenean jartzen badira, pasa egiten zaituzte. Alegia, bata besteari bultzaka. Horregatik, inportantea da trena harrapatzea, eta batez ere, tren ona harrapatzea». Adibidez, aurtengo Beho­bian, tren on batean sartu zen Montes, eta han zen Rafa Romero taldekidea ere. Hark esan omen zion: «jarri nire aurrean, eta nik frenatuko ditut atzekoak». Hala, Cris­ti­nari, bere betiko aurkariari au­rrea hartu zion Montesek.

Helburua, Espainiakoa
Martxoan hasiko du denboraldia Montesek, Espainiako Txapelketarekin. Irabaztera joango omen da. «Aurten go­goz geratu naiz, eta martxoan irabazi egin nahiko nuke, bai. Hori da helburu bat, eta bestea, erresistentzia probak egitea: Lemanseko 24 orduak...».

Konpetitu eta erakutsi
Dena ez da ordea, konpetizioa. Montes erakusten ere ari­tzen da, hasi berriei, Do­nostiaroller taldean (200 per­tsona mugitzen ditu). «Pati­ne­tan erakusten aritzen gara: astelehenetan Ruta del Ganso egiten dugu, 12 km, Igaratik aterata, taldean, eta ikasten ari direnentzat. Osti­raletan, Alderdi Ederren ari­tzen gara... Gero eta jende gehiago etortzen zaigu». Tal­de horretan biltzen dira Her­na­niko beste roller batzuk ere: Rafa Romero, Gorka Otxo­torena, Haizea... Ani­matu nahi duenak, badaki nora jo.