Gallego eta Esnaola hernaniar azkarrenak Maratoian, eta Roman eta Guerrero 10km-tan

Donostiako Maratoia izan zen atzo eta bertan Eduardo Gallego izan zen hernaniarren artean azkarrena, gizonezkoetan: 2:34:39 (14. postua). Emakumezkoetan, Eva Esnaola izan zen aurrena helmugara­tzen: 3:09:43 (631. postua). Sailkapen orokorrean lehenengoa izan zen bere kategorian. Bigarren urtez, Maratoia­ren barruan 10km-ko lasterketa egin zen eta bertan Sergio Ro­man nagusitu zen hernaniarren artean, gizonezkoetan: 0:31:42 (4. postua). Emakumez­koetan, Maitane Guerrero izan zen azkarrena: 0:42:59 (196. postua). Horiez gain, beste hainbat hernaniarrek ere parte hartu zuten.