Hirugarren urtez, Hernani Errotzen taldeak (Nabarralde) kultura arteko azoka antolatu du Hernanin. Ostiraletik igandera bitarte, nafar edo eukal kulturarekin batera, hainbat kultura ezberdinek bat egingo dute Nabarrherri izeneko azokan. Gainera aurten, Tilosetako eta Gudarien plazako guneez gain, hirugarren gune bat izango du azokak: Plaza Berri. Izan ere, 50 postutik gora izango dira oraingo honetan.
Artisau lanak salgai eta jateko eta edateko lekuak
Aurreko urteetan bezala, artisau lanak erosteko aukera izango da, hala nola, larruzko poltsak, gerrikoak, pitxiak, jaboiak, goxokiak, jakiak, ukenduak... Horrez gain, mokadu bat jan eta tragoren bat hartzeko postuak ere izango dira.
Umeentzako ludoteka, Gudarien plazan
Umeentzako espazioa edo ludoteka ere izango du azokak. Gune hori Gudarien plazan izango da.
Hernani Errotzenek
gune propioa
Urtero bezala, Hernani Errrotzen-Nabarraldek gune propioa izango du. Elkarteari buruzko informazioa eskuratzeko aukera eta materiala salgai izango da, besteak beste. Horrez gain, audiobisualak jarriko dituzte: Gartxot, Orson Wellesen dokumentalak, Orreagako batailaren thrillerra...