Altzairuzko bi alanbre rollo, 500 makiltxo eta hilabeteko epea. Horixe da Iñigo Martin eta Andoni Tolosa hernaniarrek erabili ahal izan dutena. Eta emaitza, Donostiako I. Zubi Esekidun eta Tirantedunen Maketa Lehiaketa irabaztea. Bi ataletan, gainera. Hau da, lehiaketako partaideek puentekolgante baten maketa aurkeztu behar zuten material horiek erabilita eta bi hernaniarren zubiak lortu ditu sari estetikoa, alde batetik, eta erabilgarritasunari dagokion saria, bestetik.
62,600 kg eusteko gai
Erabilgarritasuna puntuatzeko, zubi gainean baldosak jarri zituzten epaimahai kideek eta Martin eta Tolosaren zubiak eutsi zituen kilo gehien. 62 kilo eta 600 gramo, hain zuzen. Bigarren saria lortu zuen zubiak 20 kilo eta 600 gramo eutsi zituen.
Sari bakoitzean 600 euro jaso dituzte hernaniarrek Dinitek Junior Enpresaren eskutik.
Lehiaketa ostegunean izan zen Donostiako Eskola Politeknikoan. Denera, bost proiektu aurkeztu diren.