Atzotik, Urumea garbiago dago

Bi kontainer bete zabor, eta Urumea garbiago bat; hori izan liteke atzoko balorazioa. «Plastikoa eta burnia bildu dugu batez ere. Plastikoa, uholdeek ekarritakoa, eta burnia, ibaiaren erdialdean zegoena. Burni asko zegoen ibaian». Horrez gain, ikusi zitezkeen pneumatikoak eta abar ere. Hernanitik eta Do­nostiatik etorri zen atzo jendea, Urumea ibaia garbitzera, eta ordu eta erdi inguruz aritu ziren horretan. Gazte Asan­bladako kideak ere bertan ziren. Malou Henriksen Ur­gar­deneko kideak Kronikari adierazi zionez, «ibaia nahiko ondo dago orain. Zortzi hilabetean 13 garbiketa egin dira Urumean, eta gustora gaude». Iparragirre sagardotegiak jarri zien merienda, esker onez.

ARGAZKI GEHIAGO IKUSI HEMEN (Argazkiak: Ainara Garcia)