Antzerki Zikloa izango da Biterin azaroaren 27tik 29ra. Hiru antzezlan izango dira ikusgai eta negar eta barre egiteko aukera izango da. Lehenengo antzezlana André & Dorine izango da; bigarrena, Zu ere on Kixote!; eta azkena, Diálogos con mi barriga. Hernaniarren partehartzea nagusi da antzezlan horietan. Emanaldi guztiak 20:00etan izango dira Biterin.
‘André & Dorine’: bikote heldu baten maitasun
istorio hunkigarria
André & Dorine lana Hernaniko Kulunka taldearena da. Garbiñe Insausti aktoreak hartzen du parte Jose Dault eta Eduardo Carcamo aktoreekin. Antzezlanak, bikote heldu baten maitasun istorio hunkigarria kontatzen du, Alzheimerrean oinarrituta. Hiru aktoreek maskarak jantzita antzezten dute eta ez dute hitzik egiten; hau da, antzezlan mutua da. Azkeneko bi urtetan 3 kontinentetako 16 herrialdetan eskaini dute antzezlana eta mugarik gabeko espektakulua dela baieztatu dute.
‘Zu ere On Kixote!’, Hernanira egokitua
Maite Agirreren testua Cervantesen lan klasikoan inspiratua badago ere, Hernaniko historiara egokitu du Zu ere On Kixote! lana. Kixoteren istorioak gordetzen duen metafora herri baten errealitatera bideratu du. Hori horrela, Ozenki abesbatzak eta Ttarla Dantza Taldeak parte hartuko dute. Aktoreen artean, Ainhoa Pineda hernaniarra ariko da Imuntzo eta Beloki eta Unai Fernandezekin.
Sabelarekin, elkarrizketak
Javier Merino aktoreak Diálogos con mi barriga eskainiko du, gaztelaniaz. Hala dio Merinok: «Nere sabela aurkeztuko dizuet espektakulu honetan. Hau da, zoriontasunaren kurba deitzen duten hori».