Hernaniko senior mutilen taldea Euskal Herriko Ligako Igoera Txapelketa jokatzen ari da, hau da, Euskal Herriko bigarren maila litzatekeena. Hernaniarrek irabaziz hasi zuten denboraldia, baina aurreko jardunaldian 19-7 galdu zuten Gasteizko Lautadaren aurka. Gaur, laugarren partidua jokatuko dute Sestaoren aurka eta bolada ona berreskuratzea dute helburu. Aukera izango dutela aurreikusten da, bizkaitarrak 10garren postuan baitaude, hain zuzen, azken postuan. Hernani bosgarren dago bigarrenarekin eta tartekoekin puntutan berdinduta. Gaurko partidua etxean jokatuko dute, Kiroldegian eguerdiko 13:30etan.
Aurten, bi talde
Senior emakumezkoen taldea ere prest dago Euskal Herriko Ligan lehiatzeko. Berez, gaur hasiko da liga, baina hernaniarrek aurreko asteburuan jokatu zuten lehenengo partidua. Gasteizko Lautada taldearen aurka jokatu zuten eta 20-1 galdu zuten. Aste honetan ez dute partidurik eta hurrengoa Bidasoaren aurka jokatuko dute.