Urumea garbitzeko deia, hernaniar guztiei

Osiñagan ariko dira gaur Urumea ibaia garbitzen, Ur­gar­den taldeko kideak, eta ani­matzen diren hernaniar guztiak. Arratsaldeko 15:30­etan egin dute zita, Osiñagako puentekolgante parean. Gero eta jende gehiago azal­tzen da Urumea ibaia gar­bitzera, Urgardenek deitzen due­nean. Aurreko aldian, uz­tailean, as­ko izan ziren Ergo­bi­tik Kara­belerako zatia garbi­tzen aritu zirenak. Gaur, gora­xeago ari­ko dira, Osiñaga al­dean. Eska­tu dute oinetako eta arropa ego­kia eramateko, ure­tarako; janari pixka bat ere eraman, lanak bukatuta, elkar­tu eta me­rienda txiki bat egingo delako. Sagardoa, Ipa­rra­girre Sagardotegiaren kon­tura. Gazte Asan­bla­dak ere bat egin du deial­dia­rekin, eta Hernaniko Uda­lak jarriko du materiala. Bestalde, piragua bat, edo uretan ibiltzeko tabla, barku puzgarri, eta abar dau­kanari dei egin diote era­ma­teko, ondo etorriko dela-eta.