Endika Barrenetxea hernaniarrak gaur debutatuko du Binakako Txapelketa Nagusian, Urrizarekin batera, Ion eta Juaristiren kontra. Egungo sei bikote onenen artean sartu dute hernaniarra, azken urteak oso onak egin baititu. 2011 urtean bera izan zen erregularrena, B taldeko erremontisten artean. Aurten Udaberri Sariko finalerdiak jokatu ditu, eta baita Promozio Txapelketakoak ere. Kutxa Sarian sartzeko puntu-puntuan ere izan zen.
Urriza, egungo txapelduna, bikote ezin hobea
Javier Urriza iruñarrarekin jokatuko du Barrenetxea IVak, oraingo buruz buruko txapeldunarekin. Guztira bost partidu jokatu beharko dituzte ligillan, eta gaur dute lehendabizikoa. Galarretan 16:00etan hasiko da jaialdia, eta bigarren partidua da txapelketakoa.