Zenbait herritarrek ezin dute konposta egin beraien etxebizitzetan, baratzarik edo lorategirik ez dutelako. Bizilagun horiei irtenbidea emateko asmoz, konposta guneak jarriko ditu Udalak, erabiltzaileen etxebizitzetatik gertu. «Hainbat herritarrek autokonposta egiteko borondatea adierazi izan diote Udalari, baratza edo lorategirik eduki ez arren, eta horri erantzunez sortu da proiektu hau, besteak beste», azaldu du Udalak.
Ontziak eta material lehorra, Udalak jarriak
Gune bakoitzean Udalak jarriko ditu beharrezko ontziak eta material lehorra. Bizilagunen betebeharra izango da, dagokion konpostagailua ireki, material organikoa ondo zabaldu eta gainetik estrukturantea edo material lehorra botatzea (orbela, adaxkak, lastoa...). Parte hartzen duten herritarrei %40ko bonifikazioa aplikatuko zaie. Parte hartu nahi dutenek izena eman behar dute azaroaren 30a baino lehen: Atez Ateko bulegoan edo eskaera orria bidalita (www.hernani.net-en eskuragarri): atez-ate@hernani.net edo olatz-u@hernani.net. Aurreneko gunea erdigunean jarriko da.