Cricketean ikasi eta euskaraz aritzeko aukera gaur, Gabriel Zelaian

Batez ere etorkinei zuzen­dutako elkartea da Banaiz Bagara. Euskara erakutsi eta kultura ezberdinen arteko harrema­nak sustatzea da elkartearen helburua.
Asmo horrekin, cricket jardunaldia antolatu du elkarteak gaurko. Goizeko 10:30etatik aurrera, bi pa­kistandarrek cricketean joka­tzen erakutsiko dute, Eli­za­txo ikastolaren Gabriel Zelaia eraikineko futbol zelaira ger­turatu besterik ez dago. He­rri­tar guztiei parte hartzeko deia luzatu diete. Amaieran, luntxa egingo dute.

Kirol hedatuenetakoa, munduan
Nazioarteko Cricket Federa­zioak 100 herrialde baino gehiago biltzen ditu. Mundu­an dagoen biga­rren kirolik hedatuena dela uste da, eta nondik datorren oso argi ez badago ere, XIV edo XV. mendean sortu zela uste da.
Cricketean jokatzeko egungo modua Ingalaterran sortu zen, eta oso kirol hedatua da Commonwealth osatzen duten herrialdeen artean, besteak beste, India, Pakistan, Bangladesh, Sri Lanka eta Australian.

Lasterketa gehien egiten duena, irabazle
Cricketean jokatzeko, 11 jokalariz osatutako bi talde behar izaten dira. Batea eta tenis pelota baten tamaina antzekoa duen pelota gogor bat erabiltzen dira jokorako.
Bateatu behar duen taldea da lasterketak egiten dituena. Binaka jokatzen dute batea­tzaileek. Cricket zelaiaren alde banatan jartzen dira; batek pelota botatzen du, aurkako taldearen wicketa jo­tzeko asmoz (wicketa egu­rrez­ko 3 zutabeek osatzen dute), eta aurkako taldeko batea­­tzaileak ahalik eta urrutien bota behar du pelota.
Momentu hori aprobetxa­tzen dute taldeko jokalariek ahalik eta lasterketa gehien egiteko. Bitartean, beste tal­de­a bateatzaileak eliminatzen saiatuko da. Denak elimina­tzean bi taldeen papera alda­tu egingo da. Azkenean, lasterketa gehien egiten duen taldeak irabaziko du.