Gogor borrokatu zuen atzo Hernanik Pepe Rojo zelaian El Salvadorren aurka eta merezi baino alde haundiagoarekin galdu zuen: 27 (b)-12. Lehenengo zatian gaztelarrak izan ziren nagusi eta hiru entsaio eginda, Hernani partidutik kanpo uztea lortu zuten lehenengo ordu erdian. Dena dela, hernaniarrek ez zuten etsi eta atsedenaldirako segundo batzuk faltan Iraitz Garmendiak entsaioa egin zuen. Igor Genuak transformazioa sartu zuen.
Bigarren zatian Hernani nagusitu zen zelaian. Aukera ezberdinak izan zituen, penalizatutako entsaio bat ere egin zuten, baina ia ordu erdi kosta zitzaien etekina ateratzen. Orduan iritsi zen Jon Olanoren entsaioa. Ahaleginaren ondorioz, indarrik gabe geratu ziren trikoloreak eta azken minutuetan txuri-beltzak izan ziren kolpea ematen azkenak, entsaio eta zigor kolpearekin.
Datorren larunbatean Ordizia izango dute aurrez aurre.