Oriamendiko Promozio Txapelketako 2garren edizioko txapela izango da gaur jokoan, Galarretan jokatuko den finalean. Endika eta Aizpuru IIIa, Ezkurra II eta Olazarren aurka arituko dira, arratsaldeko 16:00etatik aurrera. Guztira 4 partidu jokatuko dira gaur Galarretan, eta Promozio Txapelketako finala 2garrena izango da. Gainontzeko partiduak: Urrutia II-Zubiri /Matxin VI-Labaka; Urriza-San Miguel/Uterga-Juaristi-Ion; eta Oñatz-Zubizarreta/Etxabe II-Agirrezabala.
Bote txikiko pelotak
Asteartean egin zuten 2 bikoteek material aukeraketa. Endika eta Aizpuru IIIak ez diote garrantzia haundirik ematen aukeraketari, baina Ezkurra II eta Olazarrek bai.
Azkenean, antzeko pelotak aukeratu zituzten lauek: bote baju edo ertainekoak, sakea ondo kontrolatzeko.
Lehia paretsua
Finala jokatuko duten 2 bikoteak bikain aritu dira txapelketa osoan zehar.
Ezkurra II eta Olazar final zortzirenetan sartu ziren txapelketan, eta hiru arerio kanporatu behar izan dituzte, finalera iristeko.
Endika eta Aizpuru IIIak berriz, finalaurdenetan hasi zuten Txapelketa, eta bi partidu irabazi dituzte finalera iristeko.
Bi kasuetan, aurrelariak ibili dira bereziki ondo, eta gaurko partidua parekatua izatea espero da.
Irabazleek, lehengo urteko txapeldunak ordezkatuko dituzte, Matxin VI eta Agirrezabala, alegia.