Urriaren 3tik 7ra, Wukro herriaren aldeko Elkartasun Jardunaldiak izan ziren Hernanin, Hernani Wukrorekin GKE-k (ONG) antolatuta. Erakundeak oso balorazio positiboa egin du jardunaldien inguruan. Hala azaldu du Kronikara bidalitako prentsa oharrean: «Oso balo-razio baikorra egin dugu aurtengo jardunaldien inguruan, parte hartzea oso haundia izan baita, eta hernaniarrek elkartasuna adierazi dutelako berriz ere, beharra duten herrialde txiroekin».
Eskerrak denei
Azpimarratu dute jardunaldietan hainbat eta hainbat herritarrek lagundu eta parte hartu zutela eta eskerrak eman nahi dizkie guztiei: «Berriak elkarteari, Kantuz eta Ozenki abesbatzei, sagardogileei, okindegiei, ardo banatzaileei, Hernaniko Olinpiadei, Bertso eskolari , kontzertuan parte hartu zuten musikari guztiei, Txantxangorri elkarteari, hitzaldian Biteriko areto nagusia bete zuten guztiei, elkartasun bazkarira etorritako guztiei eta urriak 6ko jaialdian Tilosetara hurbildu ziren guzti-guztiei. Horrez gain, ezin ditugu aipatu gabe utzi Wukroko haurren programarako diru-laguntza eman duten guztiak; kamixetak, katalogoak, argazkiak eta abarrak erosiz, eta borondatezko diru-laguntza eman duten guztiak».