Azaroko zubi hau aprobetxatzeko, Astigarragako Sagardoetxeak hainbat ekimen antolatu ditu. Alde batetik, sagar barietate ezberdinen dastaketa antolatu du. Eta bestetik, sagar muztioaren elaborazioan parte hartzeko aukera eskainiko die bisitari guztiei. Sagar muztioa prozesu tradizionalari jarraituz egingo da: lehendabizi kizkiarekin sagarrak lurretik jasotzen dira. Sagarrak bildutakoan, sagarrak pisoiekin zanpatzen dira. Gero, prentsatik pasa eta zukua atera ostean, lortutako muztioa probatzeko aukera dago.
Adina eta kopuruaren
arabera, prezio ezberdinak
Gaurtik igandera bitarte izango da eskaintza. Ordutegia, honakoa: gaur eta igandean, 11:00etatik 13:00etara; bihar eta larunbatean, 11:00etatik 13:30etara eta 16:00etatik 19:30etara.
Prezioak desberdinak izango dira adinaren eta jende kopuruaren arabera. Helduak: banaka, 4 euro; taldean, 3,50 euro. Haurrak: 11-18 urtekoek 2 euro; 10 urtetik beherakoek doahainik.