Endika-Aizpuru IIIak eta Ezkurra II-Olazarrek 20 minutu baino gutxiago behar izan zituzten atzo finalerako materiala aukeratzen. Larunbatean aurrez aurre izango dira Promozio Txapelketako finalean eta bi bikoteek an-tzeko ezaugarriak dituzten pelotak aukeratu zituzten: ez oso biziak. Endikak eta Aizpuru IIIak 133, 130, 129 eta 126 gramotako pelotak aukeratu zituzten. Pelota bat gainerakoak baino biziagoa aukeratu zuten, «Patxik ondo kontrolatzen baititu ibiltzen ez diren pelotak», azaldu zuen Endikak. Dena dela, pelota aukeraketari ez dio garrantzia haundirik ematen Saldiaseko aurrelariak. Ezkurra IIak eta Olazarrek, berriz, 132, 131, 129 eta 127 gramotako pelotak aukeratu zituzten. «Sakean min egiteko pelotak aukeratu ditugu», azaldu zuen Olazarrek.
Endika Barrenetxeak
partidua, gaur
Ostegunero bezala, gaur erremonte jaialdia izango da Galarretan 16:00etatik aurrera. Besteak beste, Endika Barrenetxea erremontista hernaniarrak Juaristirekin batera, Urtasun eta Etxeberria IIIaren aurka jokatuko du. Urtasun gaur itzuliko da 6 hilabetez lesionatuta egon ostean. Estelarrean, berriz, Ezkurra-Aizpurua II eta Zeberio II-Lizaso neurtuko dira.