Zuriarrain eta Arrizabalaga txapeldun, lehendabiziko Bakailao Txapelketan

Maria Luisa Zuriarrain eta Begoña Arrizabalagak egin zuten bakailaorik goxoena, atzo, beste 22 bikoteren aurretik, Bakailao Asteko azken egunean. Bigarren saria Mai­tane Morales eta Lurdes La­sak irabazi zuten, eta hirugarrena Erlantz Cristobal eta Os­kar Arruek.

Pil-pilean ba­kailaoa prestatzen goiz hasi ziren 23 bikoteak, 11:00ak in­guruan, eta azkar inguratu ziren herritarrak Atseginde­gira, egu­­neko protagonistak ze fun­damen­turekin ari ziren ikustera. Eguer­dia ondo pa­sea zela eman zuten emaitza, eta jendearen txalo artean jaso zituzten hiru bikoteek euren sariak: 300 euro, 200 euro eta 100 euro, eta gatza eta bakailaoa. Juan Mari Izagirre Errio-Guar­da jatetxeko sukaldaria izan zen bost epaileetako bat, eta maila ona izanz zela adierazi zion Kronikari. «Baztertzeko modukorik ia bat ere ez, eta orokorrean maila ona».

Partehartzai­leen artean bazkari bat zozketatu zen Fagollagan, eta irabazleak: Patxi Castrillo eta Tomas Valverde. Beste sari bat ere izan zen, 6,06 kg-ko bakailao pieza batek ze pixatzen zuen apustu egin behar zen, eta Mattinek asmatu zuen.

Ajoarrieroa, primerakoa
Hernaniko 7 soziedadek (Eli­zatxo, Etxeberri, Santa Bar­ba­ra, Lagun Artea, Xala­par­ta, Karobi eta Gure Txo­kok) lan ederra hartu zuten ajoarrieroa prestatzen, Atse­gin­de­gira in­guratu zen jendetzarentzat. Serbitzen aritu zirenak, Be­rriak elkarteko kideak, bu­ru­rik altxa gabe aritu behar izan zutenak. Eta hotz egiten ba­zuen ere, sagardoa nahikoa ser­bitzen, Hernani­ko 9 sagardotegitako kideak: Aka­rregi, Altzueta, Itxas­bu­ru, Ipa­rra­gi­rre, Larre-Gain, Olai­zola, Otsua-Enea, Rufino eta Zelaia.

Erakusketa, eta postua
Bakailaoaren inguruko erakusketa postuetan joan etorri dezentekoa ibili zen, Urbieta kale peatonalizatuan. Han­dik Hernani Errotzenen posturaino iritsi ziren hernaniarrak, Plaza Berrira, Gartxot ikusiz konpraren bat egitera.