Bakailao Astearen lehen edizio honekin gaur amaituko da. Batetik, bakailaoa pil-pil erara prestatzeko lehiaketa izango da. Goizeko 11:00etan hasiko dira lanean izena eman duten 42 parte hartzaileak, eta 12:30etan bukatuko dute. Bertsolariak ere izango dira, giroa jartzen, 12:00etatik 13:00etara bitartean.
Bestalde, Urbieta kalean azoka izango da, goizeko 10:00etatik aurrera, bakailaoarekin erlazionatutako produktuekin osatuta. Lizartza Selekzioa Makailoak Hernaniko dendak jarriko du bakailaoa gaurko erakusketa eta lehiaketarako, Noruega, Islandia eta Feroe uharteetatik ekarria.
Bakailoarekin egindako
pintxoak probatzeko aukera
Hernaniko Elizatxo, Santa Barbara, Lagun Artea, Xalaparta eta Etxeberri elkarteetan bakailao pintxoak ajoarriero erara probatzeko aukera izango da.
Laguntzeko sagardoa jarriko dute Hernaniko Akarregi, Altzueta, Itxasburu, Iparragirre, Larre-Gain, Olaizola, Otsua-Enea, Rufino eta Zelaia sagardotegiek.
Nabarralderen azoka,
Plaza Berrin
Urbieta kalean bakailao azoka izango da. Baina Plaza Berrin beste azoka bat jarriko da, kasu honetan, Hernani Errotzenen eskutik.
Bertan, Nabarraldeko produktuak jarriko dira (bideoak, DVDak...), eta horrez gain, 11:30etan, Gartxot pelikula jarriko dute.