Promozio Txapelketako finalerdia jokatu zuten atzo, Galarretan, Etxabe II eta Zubizarreta aizarnazabaldarrek eta Ezkurra II eta Olazar doneztebearrek. Azken hauek gailendu ziren, 33-40, eta datorren azaroaren 3an Endika eta Aizpuru IIIren kontra jokatuko dute Promozio Txapelketako finala.
Partidu polita eta bizia
Lau pelotariak bikain aritu ziren atzo. Erritmo haundiko partidua jokatu zuten, tantoak maisuki egin zituzten, eta publikoak gogotik txalotu zituzten.
28na berdindu zuten arte partidua nahiko parekatua izan zen, baina hortik aurrera, Ezkurra IIren tantoek eta gorrien hanka sartze pare batek 33-40 jarri zuten markagailua, urdinen alde.