Bakailaoa pil pilean prestatzen 20 bikotetik gora ariko dira bihar, bakailaoaren festan

bakailao Astea buka­tze­ko, bihar da festa haundia Her­na­nin, eta horien artean Pil-Pil Lehiaketa izango da, egu­nari saltsa jarriko dio­ne­tako bat. Gutxienez 21 bikote apuntatu dira lehiaketara, eta goizeko 11:00etan hasiko dira kazuelak sutan, beraien me­nua pres­ta­tzen; bukatu 12:30­­etan egingo da. Ba­kail­ao hori pintxotan ba­natuko dute, eta hari lagun­tzeko, nola ez, han izango dira Her­naniko 9 sa­gardotegi ere. Ber­tso Esko­la­ko kideek alai­tu­ko dute giroa, 12:00etatik 13:00era. Horrez gain, egunean ze­har Urbieta kalean azoka izan­go da bakailaoa eta hare­kin lotura duten produk­tuekin. 10:00etatik 14:00­eta­ra. Hernani Errotzen tal­deak, gainera, postua jarriko du Plaza Berrin, eta Gartxot pelikula botako dute, 11:30etatik aurrera. .

Sagardogileak eta elkarteak ere laguntzaile
Hernaniko lau soziedade la­nean ariko dira goizean goizetik, Bakailao Festa ondo atera dedin. Jendearentzako bakailao pintxoak prestatuko dituzte, ajoarriero estiloan: Elizatxo, Santa Barbara, Lagun Artea eta Xalaparta elkarteak ariko dira horretan. Gainera, Hernaniko 9 sa­gardotegietako sagardoak pro­batu ahal izango dira ber­tan: Akarregi, Altzueta, Itxas­buru, Iparragirre, Larre-Gain, Olaizola, Otsua-Enea, Rufino eta Zelaia. Lizartza Selekzioa Makailoak Hernaniko dendak jarriko du bakailaoa gaurko erakusketa eta lehiaketarako, Noruega, Islan­dia eta Feroe uharteetatik eka­rria.

Nabarraldeko produktuak eta ‘Gartxot’ pelikula, Plaza Berrin

bakailao festarekin batera, baina Plaza Berrin, Nabarral­deko produktuak erosteko au­ke­ra izango da bihar goizean, 11:30etatik aurrera, eta Gar­txot pelikula ikusteko aukera ere bai. Hernani Errotzen tal­deak jarriko du Plaza Berri­ko postua, eta lehendabizi peli­ku­la botako dute, 11:30etan. Nabarraldeko bideoak, DVDak eta abar izango dira.