Cricketean ariko dira datorren azaroaren 10ean, Hernaniko Gabriel Zelaia zentroan, kultura ezberdinak elkartu, elkar ezagutu, eta euskera bultzatzeko. Hernaniko Banaiz Bagara elkarteak antolatu du Cricket jardunaldia, etorkinekin lanean ari den elkarteak. Goizeko 10:30etan hasiko dira jokoan, eta hamaiketako-luntxa ere izango dute, galdutako indarrak bueltatzeko.
«Hernaniarrek cricketa ezagutu eta etorkinak euskeraren munduan sartu»
Etorkin eta hernaniar elkarrekin aritzeko modu bat da cricket jardunaldia, Banaiz Bagara elkarteak dioenez. «Egitasmo honekin bilatzen dugu hernaniarrek cricket kirola ezagutu eta etorkinak euskeraren munduan sartzea. Horregatik herritar guztiei luzatzen diegu deia, egun honetan parte hartzeko, beste herri eta kulturetako jendea ezagutzeko. Beraz, kirol berri bat ezagutu, ariketa fisikoa egin eta lagun berriak ezagutu nahi dituen guztiari bidaltzen diogu gure gonbidapena, azaroaren 10ean Gabriel Zelaiara azaltzeko, 10:30etatik aurrera.