Bakailao Astean bete-betean sartua dago Hernani, eta gaur mahai-inguru interesgarria izango da, Iñaki Alava eta Iñaki Etaio adituen eskutik. Sagardotegiko menuari buruz hitz egingo dute; nola gozatu, nola probatu; nola sentitu... Zentzumen eta Sentsibilitatea. Aztertu, ohartu, sentitu eta hunkitu: sagardotegiko menua. 19:00etan Biterin.
Alava eta Etaio adituak dira janari probaketan. Alavak Basque Culinary Centerren egiten du lan, eta Etaio da EHUko Analisi Sentsorialeko Laborategiko kide; kalitatezko ziurtagiria duten produktuak kontrolatzen aritzen da.
Bakailaoa pil-pilean,
entsaladan, piperradarekin...
Atzo bakailaoa prestatzeko hiru modu erakutsi zizkien Aitzol Zugasti sukaldari hernaniarrak, Basque Culinary Centerrera inguratu ziren beste 38 hernaniarri; gehienak ostalari edo merkatariak. Pil-pila nola atera, bakailaoa laminetan nola jarri, entsalada gozatzeko emultsioak, piperrada eder bat... ikusmin haundia piztu zuen atzoko hitzaldi-ikastaroak, eta pil-pilean eduki zituen Zugastik, bere herritarrak. Plater guztiak probatu, eta Altzuetako sagardoarekin bultza zioten.
Igandeko pil-pil txapelketarako ideia ederrak hartuko zituen atzo, batek baino gehiagok. Oraindik badago aukera izena emateko. Animatzen denak, deitu: 943 337 028 edo 943 337 010.
Aitzol Zugastik ‘pil-pilean’ eduki zituen 38 hernaniar
Bakailaoa prestatzeko hiru modu erakutsi zituen atzo Aitzol Zugastik. Gaur, bakailaoari buruzko mahai ingurua, 19:00etan, Biterin.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!