Hernaniko Kontsumitzaileen Bulegotik jakinarazi dutenez, ez da kontu berria etxez etxe koltxoiak saltzen dituen enpresaren kontua. 2009an Euskadiko Kontsumitzaileen Elkarteak publikoki salatu zuen etxez etxeko salmentan jarrera oldarkor eta iruzurtia erabiltzen zuen enpresa bat: Distribuidora Cultural de Ayala. Osasunaren inguruko inkesta eramaten dute etxeetara, eta egun batzuen buruan jasotzera etortzen dira. Orduan, gure min guztiak sendatuko dituen koltxoia eskaintzen digute, ustez, merkatuko prezioa baino merkeago. Hernanin, bada «iruzur» hau salatu duen herritarrik, eta Kontsumitzaile Bulegoak gomendioak eman ditu.
ETXEZ ETXEKO SALMENTAREN AURREAN ZER EGIN:
n Etxez etxeko salmenta legezkoa da, baina kontuz ibili, askotan iruzurrak egiten baitira.
n Komertzialak etxera
etortzean, lehenik eta behin identifikazioa eskatu behar zaie.
n Eskaintza interesgarria
irudituz gero, idatzizko
informazioa uzteko eskatu, behar dugun denboraz eta lasaitasunez dena ondo
irakurtzeko eta erabakia hartu ahal izateko.
n Ez erabaki, erosi edo
sinatu ezer, momentuan
bertan. Datuak eskatu,
zerbait erosi nahi izanez gero, komertzialarekin edo enpresarekin harremanetan
jartzeko.
n Ez eman datu pertsonalik, edo ez erakutsi fakturarik. Aurreztu dezakegun ikusteko faktura ikusteko eskatzen dute, baina datu ako egon daitezke.
ARGI IZAN: ATZERA EGITEKO ESKUBIDEA DUGU
n Etxez etxeko salerosketetan, bezeroak atzera egiteko eskubidea du, 7 egun naturaleko epean.
n Etxera etorritako komertzialak eskubide horren berri eman behar dio
bezeroari.
n Kontratuan eskubide horren berri eman behar da, argi eta ondo zehaztuta, bezeroaren sindarurarentzako tokiaren gainean.
n Behin kontratua sinatuta, kopia bat eman behar diote bezeroari. Baita atzera egiteko eskubideari buruzko informazioa ematen duen
dokumentu bat ere.
NOLA EGIN ATZERA
n Atzera egin nahi izanez gero, enpresarekin kontaktuan jarri (burofaxaren bidez hobe), eta erosketa bertan behera utzi nahi dela argi eta garbi adierazi.
n Enpresak kontratua baliogabetu egin behar du, seinalea itzuli (egon bada), eta bezeroaren datu guztiak betirako ezabatu.