Oriamendiko Promozio Txapelketako finalerdia jokatuko du gaur Endika Barrenetxea erremontista hernaniarrak. Otaegi izango du lagun aurrean eta finalerako pasearen bila, Endika eta Aizpuru IIIren aurka neurtuko dira. Norgehiagoka parekatua espero da. Galarretan, 16:00etatik aurrera jokatuko den erremonte jaialdiko hirugarren partidua izango da.
Pelota biziak
Material aukeraketa ostegunean izan zen eta gorriek pelota biziak aukeratu zituzten. Aizpuru IIIa atzelaria nekatzen saiatuko dira eta Endika jokoan sartu ez dadin ahaleginduko dira. Izan ere, gaitasun berezia du tantoak bukatzeko eta gustoko pelota hartzen badu, zaila da gelditzea. Azken honek, pelota arinak aukeratu zituen. Otaegik udaran debutatu zuen eta inpresio ona ematen ari da. Barrenetxea egunetik egunera ahazten doa. Beraz, partidu interesgarria espero da.