EH Bilduk akordioen alde egingo duela azpimarratu zuen Beitialarrangoitiak

Astearte iluntzean EH Bilduren hauteskunde kanpainako ekitaldia egin zen Tilosetan. Bertan izan ziren, besteak beste, Marian Beitia­larran­goi­tia eta Lur Etxebe­rria, EH Bilduko Gipuzkoa­ko hautagai hernaniarrak. Gipuzkoako zerrendetako hi­rugarren hautagaiak, Ma­rian Beitialarrangoitiak, EH Bildu­ren asmoez hitz egin zuen. Besteak beste, krisiari in­dependentziarekin aurre e­gin­go diotela aipatu zuen. Era berean, jarraituko dituzten hainbat pauso azaldu zituen: «zerbitzu sozialak in­dartu; lana banatu, lan ordu­ak mu­rriztuz eta jende gehiagori lana eskainiz; gehien duenak gehiago jarri dezala eskatu; garapen iraun­korra bultzatu, ekonomia jarduera azpiegitura haun­dietan oinarritu beharrean...».

Bakegintzan pausoak emateko prest
Politika egiten ez jakitea leporatu zaiela esan zuen Beitia­larrangoitiak, eta zergatia argitu zuen: «Gipuzkoan dagoeneko, politika egiten ari gara, baina beldurra digute». Eta gaineratu zuen: «De­mo­krazia hitza etengabe aho­an darabiltenek ezarritako blokeo egoerarekin amaituko du­gu eta bakegin­tzan pausoak emateko prest gaude. Horre­tarako, akordioa da hitz gakoa; prest gaude denekin akordioetara heltzeko». Horrez gain nabarmendu zuen eskubideak urratzen ja­rraitzen dela, eta Martxelo Ota­­mendik salatutako torturak zirela eta, Estras­burgok Es­­pai­nia zigortu izana aipatu zuen.

Talde berria eta kolore askotakoa
Hautagaiekin batera, Herna­niko Udal Go­ber­nu Taldeko kideak izan ziren ekitaldian, Luis Intxauspe alkatea tartean zela. Alkateak azaldu zuen alderdiaren ibilbidea motza izan arren, politika egiteko modua aldatu dutela, eta talde askotako jendea elkartzeko gai izan direla. Era berean, hautagai hernaniarrak aipatu zituen: «Gi­puzkoako bi hautagai hernaniarrak dira, (Marian Beitiala­rran­goi­tia eta Lur Etxeberria­) eta oso harro gaude». Gobernu Taldeaz gain, hainbat alorretako herriko eragile ba­tzuk beren babesa azaldu zuten ekitaldian. Hala nola, aniztasunaren, parekidetasunaren, gazteriaren, hizkun­tza normalizazioaren, hezkuntzaren, kirolaren eta kulturaren alorretako hainbat eragilek. Alkatearen hitzen ondoren, oholtzara igotako hainbat herritarrek esaldi bana irakurri zuten, eta koloreztatutako eskuarekin pankarta margotu zuten. Agintariena dantzarekin ha­­si zen ekitaldia, eta ondoren aurkez­pen bi­de­oa ikusteko aukera ere izan zen.

Bideo emanaldia gaur, eta kanpainaren amaiera bihar
Gaur, bideo emanaldia izango da Atzieta kalean, 20:30etan. Bihar berriz, kanpainako amaiera ekitaldia egingo du EH Bilduk Donostiako Kons­tituzio plazan, 19:00etan.

Berdez jantzita bozkatzeko deia
Igandean, marea berdea irudikatzeko ahaleginean, boz­ka­tzera berdez jantzita joateko deia luzatu zuten hautagaiek. Gaueko 22:00etan berriz, bozkak kontatuko dira Tilo­setan.