Elkartruke bati erantzunez, ‘Hernani’ Musika Eskolako abesbatza Bartzelonako Begues herrian izan da asteburuan, kontzertua emateko. Bertako ‘Cor Jove Ad Libitum’ abesbatza Hernanin izan zen lehengo urtean, eta orain hernaniarrak hartu dituzte. Emanaldian abestutako 9 abestien artean 3, katalanez kantatu zituzten hernaniarrek, eta oso harrera ona izan zuten Begueseko publikoaren artean. Bertako abesbatzak ere abestu zuen, eta amaitzeko, elkarrekin kantatu zuten bi koruek.
Elkartruke aberatsa
Elkartrukeari esker, Hernaniko abesbatzak Begueseko abeslari gazteak ezagutu eta harremanak sendotu ditu. Era berean, kultura kataluniarra ezagutzeko aukera izan dute, eta Bartzelona ere bisitatu dute.
5457, zenbaki sariduna
Mariskada bat zozketatzeko errifak saldu zituen abesbatzak, bidaia ordaintze aldera. Zenbaki sariduna 5457a da, eta irabazleak Musika Eskolatik pasa behar du saria jasotzeko.