Ostiraleko garaipenen ostean, Etxabe II-Zubizarreta eta Ezkurra II-Olazar elkarren aurka neurtuko dira Promozio Txapelketako finalerdietan. Etxabe II eta Zubizarretak egungo txapeldunak kanporatu zituzten Matxin VI eta Agirrezabala, 33-35 irabazita. Bigarren partiduan berriz, Ezkurra II eta Olazar erabat nagusitu ziren Urrutia II eta Aizpuruaren aurrean eta 22-35 irabazi zuten. Ezkurra IIren jokoa nabarmendu zen, lehenengo partiduan bezala, eta partidu guztian Urrutia II gainditu zuen.
Atzoko irabazleen arteko finalerdiaren aurretik, honakoa jokatuko da: Otaegi-Barrenetxea IV/Endika-Aizpuru III.
Barrenetxea IVak galdu atzo
Atzo erremonte jaialdia izan zen eta, besteak beste, Barrenetxea IVak eta Endikak 40-38 galdu zuten Juaristi eta Zubizarretaren aurka.
Pelotariei, eskerrak
Oriamendi 2010 enpresak eskerrak eman nahi dizkie pelotariei. Izan ere, jakinarazi dutenez, irabazien araberakoa izango da pelotarien hilabeteko ordain saria eta erabakiaren aurrean jarrera positiboa azaldu dutela azpimarratu du enpresak.