15.000 hernaniar inguru, bozkatzera deituta

Eusko Legebitzarrerako hauteskundeak izango dira datorren igandean, hau da, urriaren 21ean. Hautes­kun­de hauetan Gasteizko parlamentua osatzen duten 75 or­dez­kariak aukeratuko dira, eta horren arabera erabakiko da lehendakaria eta Eusko Jaurlaritza. Eusko Legebil­tza­rra osatzen duten 75 parlamentarietatik, 25  Gipuz­ko­an aukeratuko dira. Biz­kaia eta Araban, beste 25na parlamentari aukeratuko di­tuzte. Her­nanin 18 urte beteta dituzten 15.000 hernaniar inguru daude deituta bozkatzera. Gipuzkoan, Biz­kaian eta Ara­ban guztira 1,7 milioi pertsonak izango dute egun horretan bozkatzeko aukera.

Txantxillakoek Laubidietan bozkatu behar dute
Azken hauteskundeetan be­zala, 8 eskola eta 26 mahai izango dira herritar bakoitza dagokion lekura joateko boz­katzera. Honakoak izango dira eskolak: Biteri, Ga­briel Zelaiako eraikina, La­rra­mendiko udal gelak, Zi­kuñagako garai bateko es­ko­lak, Ereñotzuko Txirrita ikas­tetxea, Langile ikastola (Laubidietan), Elizatxo ikastola (Elizatxo auzoa) eta Sa­gastialdeberriko haur eskola.
Hori bai, hauteskunde hauetan auzo berria izango da tartean, Txantxilla, eta bertako auzotarrek Laubi­dieta ikas­tolan bozkatu behar dute.
Udaletxetik jakinarazi dutenez, zentsoak ekainaren 1e­ko erreferentzia du. Beraz, hor­tik aurrera alta eman du­tenek, edo helbide aldaketa egin dutenek, aurreko helbidea hartu behar dute erreferentzi moduan bozkatzeko.

Egun osoan bozkatzeko aukera
Ohi bezala, bozkatzeko auke­­ra egun osoan zehar izango da. Eskolen ordutegia: 09:00etatik 20:00etara. Udaletxean edozein erreklamazio egiteko ere, egun be­rean, ordu horietan izango da aukera.

13 alderdi edo koalizio aukeran
Gipuzkoan 13 alderdi edo koalizio aurkeztu dira hauteskudeetara: EAJ-PNV, EH Bildu, PSE-EE, Ezker Anitza, PP, UPyD,  EB-Berdeak, Equo Berdeak-Euskal ekologistak, PACMA, Aulki Zu­riak,  UCE, PUM+J eta Par­tido Humanista.

Inkesten arabera,
EAJ lehenengo indarra
eta EH Bildu bigarrena
Inkesten arabera, EAJ-PNVk irabaziko lituzke hauteskundeak eta EH Bildu bigarren indarra izango litzateke. Ga­ra eta Naiz komunikabideak egunero ari dira Aztikerren inkesten berri ematen eta atzo argitaratutako datuen arabera, EAJk 28 eserleku lor­tuko lituzte, EH Bilduk 24, PSE-EEk 12, PPk 9, Ezker Anitzak 1 eta UPyDk 1.