Zer egin liteke Hernanin euskeraren erabilera indartzeko edo bultzatzeko? Helburu hori biltzen duen ideiaren bat edo proiekturen bat daukanak 2.000 euro irabazteko aukera izango du. Izan ere, Dobera Euskara Elkarteak Dobera Saria VI antolatu du aurten eta euskeraren erabilera sustatzen duen egitasmo onena saritzeko asmoa dauka.
Proiektuak hilaren 17ra arte jasoko dira, hau da, datorren asteazkenera arte. Irabazleak, urtebeteko epea izango du ondoren, proiektua aurrera eramateko. Saria eman gabe utzi daiteke aurkeztutako lanek behar adinako kalitatea ez dutela erabakitzen bada.
Parte hartzeko oinarriak
Lehiaketan parte hartu dezake 16 urtetik gorako edozein hernaniarrek edo Hernanirekin lotura duenak, taldeka nahiz bakarka.
PROIEKTUAN AURKEZTU BEHARREKOA:
Egitasmoaren helburu zehatzak.
Egitasmoaren nondik-norakoak: kronograma, baliabideak...
Eragin eremua: hartzaile mota, kopurua...
Aurkezten den hau proiektuaren laburpena izango da, 3 orrialdekoa,
gehienez.
Kartazal itxian, kanpoaldean, aurkeztutako proiektuaren izenburua, eta
barruan, eskatzailearen datuak: Nortasun Agiriaren kopia, Curriculum
Vitaea, kontakturako telefonoa eta helbide elektronikoa.