Beitialarrangoitia EH Bilduko hautagaia, azokan.

EH Bilduko kideak programa banatzen ibili ziren atzo ferian eta bertan izan zen Marian Beitialarrangoitia hautagaia. Krisiari aurre egiteko, besteak beste, independentziaren beharra azpimarratu zuen: «Herri oparoan bizi gara eta beharrezkoa da aberastasuna banatzea, lana banatzea eta kalitatezko enplegua sortzea. Eredua aldatu behar dugu eta pertsonen zerbi­tzura jarri behar dugu ekonomia. Horretarako beharrezkoa da guk gure erabakiak hartzea, burujabe izatea». Neu­rrien berri ere eman zuen: «lana ba­natuko dugu, la­naldia murriztuz, jubilazioa aurreratuko dugu, 1.075 euro izango da gutxieneko soldata…». Des­ja­betzeen gaia ere kezka nagusietako bat da EH Bil­du­rentzat: «Entitate pu­bli­ko bat sortzea proposatzen dugu eta norbait hipoteka ordaindu ezinik geratuko balitz, etxe­bi­zitza entitate horrek gestionatuko luke eta alokairu so­zialean jarriko lu­ke». Bi­­­deo emanaldia izango da gaur 20:30etan Nafar kalean.