Usoak eta birigarroak ehizatzeko denboraldia hasi da, dagoeneko. Txantxangorri elkartean ehiza-postuen zozketak egunero egiten dituzte, eta jende mordoa ari da inguratzen. Zozketaz arduratzen direnen hitzetan, eguraldi oneko egunetan 200dik gora ehiztari ibiltzen dira Hernanin.
Zozketak, azaroaren 18ra arte
Postuen zozketak egunero egiten dira Txantxangorrin. Arratsaldeko 19:30etan izen-ematea irekitzen da, eta zozketa 20:00etan egiten da.
Azaroaren 18ra arte, Azketa, Larregain-Lepatxiki eta Oriamendi-Aranburuko postuak zozketatuko dituzte.
Lizentzia bakarra
Ehiza denboraldiaren aurretik, Nekazaritza, Elikadura eta Ingurgiro Ministroak Estatu osorako ehiza lizentzia bakarraren aldeko apustua egin zuen. Orokorrean, ehiztariek aspaldidanik egiten ari ziren eskariari erantzuten dio neurri honek.
Ehiztariak, Estatuan bertan, Autonomia Erkidego batetik bestera mugitzen dira ehizatzera. Baina toki bakoitzean, bertako lizentzia atera behar izaten zen, denboraldia hasi baino lehenago bertaraino joanda.
Lizentzia bakar honi esker, gauzak erraztu egin dira. Hala ere, lizentzia ez da bere horretan, bakarra. Erraztu dena lizentziak lortzeko prozedura izan da. Hemendik aurrera, nork bere Autonomia Erkidegoko Diputazioan eskatu ditzake beste Autonomia Erkidegoetan ere ehizatzeko lizentziak.
Gabonetako loteria, salgai
Dagoeneko, jarri dute salgai Gabonetako Loteria Txantxangorri elkartean.
Eskuratu nahi duenak elkartetik bertatik pasa behar du.