Ereñotzu, Santa Barbara bailara, Osiñaga bailara, Martindegi edota Jauregiko bizilagunak etxean konposta egitera animatu nahi ditu Udalak. Atez Atekoa martxan jarri zenetik, «ingurumena eta osasunaren alde lan egitea» izan da Udalaren asmoa. Ildo horretatik, etxean konpostatzea bultzatu nahi du, bere esanetan, «abantailak besterik ez dituen sistema delako: hondakinak murriztea, landareak eta barazkiak ongarritzea, ingurumenari mesede egitea eta zaborren tasan %40ko beherapena lortzen dira, besteak beste».
Hernanin, dagoeneko 626 familia dira konposta etxean egiten dutenak, eta beste 50 familiak euren erara kudeatzen dituzte hondakin organikoak, batez ere, landa eremuan bizi direnak.
Informazioa eskuragarri
Konposta etxean egiteko beharrezko gida, konpostagailua... Biteri kultur etxean dagoen Atez Ateko bulegoan edota 900 840 090 telefonora deituta lortu daitezke.