Ingalaterra, Danimarka, Belgika, Estonia eta Hungariako ikasle eta irakasleak atzo iritsi ziren Hernanira. Denera, 38. Comenius proiektua dela eta etorri dira Hernanira, Hernani Institutua tartean dela, ikasle-irakasleen arteko topaketa izaten ari baita. Asteazkenera arte egongo dira Hernanin eta ekintza ezberdinak egingo dituzte. Gaur, esaterako, Kilometroak jaira joango dira Andoainera. Hernanin zehar bisita gidatua ere antolatu du Udalak. Datozen egunetan izango dituzte: surf saioa, yoga, Basque Culinary Centerrera eta Guggenheimera bisitak, hitzaldiak... Asteartean Udalak harrera egingo die.
Oreka pertsonala lantzen
Proiektuaren gaia da, Healthy Lifestyles. Inside Out, Outside In. Eta Hernaniko jardunaldietan Mental Health atala ari dira lantzen, hau da, oreka pertsonala eta ondo sentitzeko ekintzak. Ekintza hauen helburua da, eskola bakoitza bisitatzea, bizimoduak eta ohiturak konparatzea eta bizitza osasuntsu bat izateko gida europar bat sortzea. Horrez gain, ikasle eta irakasleen ingelesa hobetzeko aukera ematen du eta baita teknologia berriak erabiltzeko ere. Hernaniko BHIko 1go Batxilergoko ikasle eta irakasleak Danimarka, Belgika eta Estonian izan ziren aurreko ikasturtean.