Gipuzkoako Selekziorako sailkatze fasea ari dira jokatzen Hernaniko Atxur tabernako dardozaleak. Urriaren 10ean jokatuko da laugarren eta azken jardunaldia eta hernaniarrak aurretik dira. Besteak beste: lehenengoa da Edjuto 256 punturekin, laugarrena Armgor 237 punturekin eta bosgarrena Kax 230 punturekin. Denera, dozena inguru dardozale hernaniar dabiltza.
Play offa Atxurren, urriaren 17an
Azken fasea bukatzean, puntu gehien lortu dituzten 16 dardolari gipuzkoarrek play offa jokatuko dute urriaren 17an. Hori Atxur tabernan izango da. Bertatik ateratzen diren 8 dardozale onenek Gipuzkoako selekzioarekin jokatzeko txartela lortuko dute. Eta urriaren 28an Nafarroako selekzioaren aurka jokatuko dute lagunarteko norgehiagoka Iruñean.