Gaurtik igandera bitarte Wukro herriarekin elkartasunez jardunaldiak antolatu ditu Hernani Wukrorekin GKEk. Eta Elkartasun Jardunaldiei ekiteko, Angel Olaran misiolari hernaniarrak hitzaldia emango du Etiopiako errealitatea eta Wukron egindako aurrerapenak azaltzeko. Hitzaldia gaur arratsaldeko 19:00etan izango da, Biterin.
Ostiralean berriz, Aingeruen hegaldia erakusketa aurkeztuko dute 18:30etan, Gunea tabernan. Mikel Aristregi argazkilari hernaniarrak Wukron egindako argazkiak izango dira ikusgai azaroaren 12ra arte, Berriak elkarteko denda eta tabernetan.
Larunbatean, egun osoko festa antolatu dute herriko taldeekin elkarlanean. Olinpiadak, bertsoak, musika emanaldiak... izango dira.
Bazkariko txartelak salgai
Igandean, elkartasun bazkaria izango da Txantxangorri elkartean 14:00etan eta gogorarazi dute txartelak salgai daudela Iruretagoyena dendan eta Miguel Lujanbiok ere badituela. Horrez gain, bihar ferian, postua jarriko dute txartelak salduz eta baita beste produktuak ere. Bazkariaren prezioa: 22 euro.
EGITARAUA
Gaur:
19:00, Angel Olaranen hitzaldia Biterin.
Ostirala:
18:30, ‘Aingeruen hegaldia’ argazki erakusketaren aurkezpena Gunean.
Larunbata:
10:30, haurrentzako herri jolasak eta puzgarriak.
Ondoren, Ozenki eta Kantuz abesbatzen emanaldia.
Ondoren, bertso eskolako bertsolarien saioa.
15:30, Hernani-Wukro olinpiadak, Hernaniko Olinpiadetako KOIak antolatuta.
20:00, herriko hainbat musikariren kontzertua:
- X. Solano, K. Solano, P. Gorrotxategi eta Dj Z.
- Folk-lore.
- Joana eta Sebi.
- PIC (Please insert coin).
Igandea:
09:00, meza Angel Olaranen eskutik Agustindarren elizan.
14:00, elkartasun bazkaria Txantxangorri elkartean.