bilera sorta egiten ari da Diputazioa Gipuzkoan, herritarren partehartzea bultzatzeko asmoarekin; Herritarrekin izena du egitasmoak. Aldundiko ordezkaritza bat, Martin Garitano diputatu nagusia buru duela, Hernanin izango da gaur, Biterin, herritarrak entzun, eta Diputazioaren egoeraz eta asmoez hitz egiteko. Biteri kultur etxean izango da hori, eta herritar guztiak animatu dituzte gerturatu eta parte hartzera.
Herritarren iritzia jakitea
Aldundiak harreman zuzena izan nahi du herritarrekin, horregatik, gaurko bilera ez da aurkezpen soila izango; herritarrek zein iritzi duten jakin nahi dute.
Bileran gizarte politika, eta garapen ekonomikoa eta fiskalitatea izango dira gai nagusiak. Gizarte politikek Aldundiaren aurrekontuaren erdia hartzen dute, eta beraz, hauentzat oso garrantzitsua da herritarrek duten iritzia jasotzea. Bestalde, egungo krisi ekonomikoari aurre egiteko, eta sektore publikoa indartsu mantentzeko, Aldundiarentzat beharrezkoa da ekonomiari eta fiskalitateari buruz herritarrekin hitz egitea.
Bi lantalde, bileran
Bileran bi lantalde antolatuko dituzte, eta herritarrek aukeratuko dute zeinetan parte hartu eta bere ekarpena egin.