Bizikleta txiki geratu zaizula? Duzuna aldatu egin nahi duzula? Merke-merke erosi nahi duzula? Mugikortasun Astearen harira, Bigarren eskuko azoka berezia antolatu dute Atsegindegin. Bizikletek hartuko dute azokaren eremu haundi bat; eta bertan, herritarrek euren bizikleta saltzeko edo besteena erosteko aukera izango dute. Bizikletez gain, Mugikortasun Iraunkorrarekin lotura duten bestelako osagarriak ere jarriko dituzte salgai: patinak, patineteak, kaskoak, jantziak...
Udaletik jakinarazi dutenez, edonork eraman dezake saldu nahi duen bizikleta edo osagarriren bat; larunbatean bertan eraman behar dira Atsegindegira, 09:00etatik 10:30etara.
Prezioa, 300 euro
baino merkeagoa
Antolatzaileek saltzailearen datu pertsonalak hartuko dituzte, eta saldu nahi den produktua; eta prezioa finkatuko dute (ez da 300 eurotik gorako preziorik onartuko). Nortasun Agiria erakutsi beharko da. Salmentari dagokionean, antolatzaileak arduratuko dira azoka zabalik dagoen tartean, hau da, 10:30etatik 13:30etara, zaintzeaz eta saltzeaz. Azoka bukatzean, jabeak itzuli egin beharko dute dirua edo salmentan utzitakoa jasotzera.
Produktuak,
egoera onean
Salgai dauden produktuek egoera onean egon beharko dute. Zerbitzua doakoa dela gogoratu dute Udaletik. Informazio gehiagorako: 943 57 54 31 edo mertxe-g@hernani.net